მამაკაცის სასქესო ორგანოს გადიდების, ან მისი გარეგნული იერსახის შეცვლის ძირითადი ჩვენებას მისი სურვილი წარმოადგენს. ხოლო უროლოგების მთავარი მიზანი, რომელთაც სურთ გაუმკლავდენ ამ არც თუ ისე მარტივ ამოცანას, არის პაციენტის ცხოვრების ხარისხის გაუმჯობესება.

დღესდღეობით, ძალიან გავრცელებულია უამრავი თაღლითური გზა და თვითმკურნალობის მეთოდი, რომლის საშუალებითაც თითქოსდა ხდება სასქესო ორგანოს გარანტირებული გაზრდა.

არ შეიძლება საკუთარ ორგანიზმზე და უნიკალურ სასქესო ორგანოზე ექსპერიმენტების ჩატარება. მამაკაცური ღირსება ხომ ერთადერთი ეგზემპლიარის სახით ეძლევა ბუნების მიერ ადამიანს.

სასქესო ორგანოს გადიდების სურვილი სრულიად ბუნებრივი და გამართლებულია. მას არ შეიძლება ვუწოდოთ კაპრიზი, რადგან თითეულ მამაკაცში მისწრაფება დომინირების მიმართ ქვეცნობიერად არის ჩადებული ბუნების მიერ და მომდინარეობს ადამიანის უძველესი ინსტიქტებიდან.

ხშირად, სწორედ სასქესო ასოს ზომა წარმოადგენს მამაკაცის, როგორც პიროვნების რეალიზაციის, უშუალო თვითშეფასების, საკუთარი ძალებისა და სქესობრივი სრულყოფილების რწმენის ერთ-ერთ გადამწყვეტ ფაქტორს.

პენისის არასაკმარისი ზომა კი დამთრგუნველად და დამღუპველად მოქმედებს მამაკაცის ფსიქოლოგიურ მდგომარეობაზე, მის ცხოვრებას ხდის არაკომფორტულს და ართმევს ხარისხიანი და რეგულარულ სექსუალური ცხოვრების უნარს.

რა სურთ მამაკაცებს?

• საკუთარი ღირსების მაღალი გრძნობა;

• მაღალი სექსუალური მიმზიდველობა;

• სექსუალური ცხოვრების გაუმჯობესება;

• პარტნიორი ქალის სრულყოფილი დაკმაყოფილება;

• „გახდის კომპლექსის“ მოხსნა და მამაკაცების კამპანიაში (აბანო, საუნა, გასახდელი და ა.შ) სიმორცხვის გრძნობის დაძლევა;

ასე, რომ არ შეიძლება დასცინო მამაკაცს სურვილის გამო, რომ ჰქონდეს დიდი ზომის სასქესო ორგანო, ან უთხრა ამდაგვარი ფრაზები - „მთავარია იყო კარგი ადამიანი...“ და ა.შ. ეს სისულელეა, მამაკაცის ფსიქოლოგიის სიღრმეს ვერ შეცვლი, განსხვავებით პენისის ზომისგან.

მკაცრად განსაზღვრული ნორმები მამაკაცის სასქესო ორგანოს ზომების შესახებ არ არის დაწესებული, თუმცა თუ მამაკაცის პენისის სიგრძე ერექციის (აღგზნებულ მდგომარეობაში) 8 სმ-ზე ნაკლებია, ეს ნორმიდან გადახრად ითვლება და სამედიცინო ენაზე მიკროპენისის სახელით არის ცნობილი.

უმეტეს შემთხვევებში, შეესაბამება თუ არა ნორმას პენისის ზომები, წყვეტს თავად მამაკაცი. მისი დამოკიდებულება საკუთარი სასქესო ორგანოს მიმართ დამოკიდებულია იმაზე, თუ რას ანიჭებს იგი უპირატესობას ესთეტიკური თვალსაზრისით და რა შეხედულებისაა მის პენისზე სექსუალური პარტნიორი (ან პარტნიორები).

ქალები არ იღლებიან უმტკიცონ მამაკაცებს, რომ პენისის სიგრძე მათთვის არ არის გადამწყვეტი მნიშვნელობის, რომ მთავარი სექსისტექნიკის ცოდნა და მათთვის სიამოვნების მინიჭების უნარია, მაგრამ თანამედროვე მამაკაცებმა თავის თავში დღემდე ვერ იპოვეს ძალა დაიჯერონ ეს.

თუმცა, რა თქმა უნდა არიან ისეთი ქალებიც, რომლებიც უპირატესობას მამაკაცის დიდ სასქესო ორგანოს ანიჭებენ, რადგან ეს მათთვის მამაკაცურ ძალასთან და მის ყოვლისშემძლეობასთან არის დაკავშირებული.

ექიმი კევინ უაილი, შეფილდის სამეფო ჰოსპიტალიდან 50-ზე მეტი გამოკვლევის ავტორია, რომელიც მამაკაცის პენისის ზომებს ეხება.

ამ გამოკვლევებით მან დაადგინა, რომ შეშფოთებას საკუთარი მამაკაცური ღირსების ზომების გამო განიცდიან ის მამაკაცებიც კი, რომელთაც სინამდვილეში ამ მხრივ ყველაფერი წესრიგში აქვთ.

ამავდროულად გამოკვლევებმა აჩვენა, რაც უფრო დიდი ზომის პენისი აქვთ მამაკაცებს, მით უფრო მეტად ფიქრობენ ისინი საკუთარ თავზე და უფრო დარწმუნებული არიან თავის სექსუალურ შესაძლებლობებში.

კვლევის შედეგების განხილვის დროს, გაიზომა 12 000 მამაკაცის პენისის სიგრძე, აღმოჩნდა, რომ ეროგირებულ მდგომარეობაში მამაკაცის პენისის საშუალო სიგრძე 14-16 სმ-ს შორის, ხოლო გარშემოწერილობა 12-13 სმ-ს შორის მერყეობდა.

50 ათასზე მეტი ორივე სქესის წარმომადგენელის გამოკითხვის შედეგად გაირკვა, რომ მამაკაცების 66%-ს საკუთარი პენისის სიგრძე - საშუალოდ, 22%- ს დიდად, ხოლო 12%- ს პატარად მიაჩნია.

ამავდროულად, იმის მიუხედავად, რომ გამოკითხულ ქალთა 80%-ს სრულიად აკმაყოფილებს  პარტნიორის სასქესო ორგანოს სიგრძე, მამაკაცთა მხოლოდ 55%-ისთვისაა დამაკმაყოფილებელი საკუთარი პენისის ზომა.

ორი სხვა გამოკვლევის თანახმად, ქალების 90% უპირატესობას გრძელთან შედარებით მსხვილ პენისს ანიჭებს.

და ეს მაშინ, როცა მეორე გამოკვლევის შედეგებით, ქალებისთვის, სასქესო ორგანოს ზომებზე  უფრო  მამაკაცის პიროვნული თვისებები, მისი მოწესრიგებულობა და სისუფთავე აღმოჩნდა მნიშვნელოვანი.

ასევე აღნიშნული იქნა, რომ ”პატარა პენისის სინდრომი” უფრო გავრცელებულია საშუალო ზომის პენისის მქონე მამაკაცებში, ვიდრე იმ მამაკაცებში,რომელთა პენისის სიგრძე ნამდვილად ძალიან პატარაა (10 სმ-ზე ნაკლები).

ერთ-ერთი გამოკვლევის შედეგად დადგენილი იქნა, რომ 63% მამაკაცებისა, რომლებიც უკმაყოფილონი იყვნენ საკუთარი პენისის ზომებით, ამაში თავიანთ ბავშვობის პერიოდს ადანაშაულებდნენ, როცა ისინი პენისის ზომას სხვა ბავშვების პენისის ზომას ადარებდნენ.

ხოლო 37%-ს ამის მიზეზად თინეიჯერობის პერიოდში ეროტიკული სურათებითა და ვიდეოთი საკუთარი  გატაცება მიაჩნდა.

ექიმმა უაილმა ძალიან ცოტა მტკიცებულება მოიპოვა იმის შესახებ, რომ პენისის გასადიდებლად განკუთვნილი სხვადასხვა ტექნიკური მოწყობილობა (მაგალითად ექსტენდერი და ვაკუუმის ტუმბო), იძლევა სრულყოფილ შედეგს.

არასაკმარის, არამდგრად  შედეგს იძლევა ასევე პენისის გასადიდებლად ქირურგიული ოპერაციები, თუმცა ეს ინდივიდუალური საკითხია და ზოგიერთი მამაკაცი ასეთი მეთოდებისგან დადებით ფსიქოლოგიურ ეფექტს იღებს.

რაოდენ პარადოქსალურიც არ უნდა იყოს, ფალოპლასტიკის კანდიდატებად ხშირად გვევლინებიან მამაკაცები, რომლებსაც აქვთ ნორმალური ერექცია და შეუძლიათ სრულყოფილი სქესობრივი აქტის განხორციელება. თუმცა მათ ყველაზე მეტად აღელვებთ და აინტერესებთ, თუ როგორ გამოიყურება მათი პენისი მოსვენებულ მდგომარეობაში.

უაილი თვლის, რომ მთელს მსოფლიოში არსებობს პენისის დაგრძელების მრავალრიცხოვანი და მრავალფეროვანი  პრაქტიკა. დაწყებული სასქესო ასოზე სიმძიმეების დაკიდებით, დამთავრებული იმით, რომ განსაკუთრებული ჯიშის გველს აკბენინებენ ხოლმე პენისზე მისი გაზრდის იმედით.

გარდა ამისა, არსებობს უამრავი სავარჯიშოები, მასაჟები, უძველესი რეცეპტები, სასქესო ასოს გასადიდებლად, რომელთაგან ზოგი უშედეგოა, ზოგი ეფექტური.

მაგრამ მთავარი ისაა, რომ ყველა ეს მეთოდი ინდივიდუალურია და დამოკიდებულია კონკრეტული მამაკაცის ფსიქოლოგიაზე, მის მოტივაციასა და ნებისყოფაზე.

შფოთვა და წუხილი საკუთარი სასქესო ორგანოს ზომის გამო, ძალიან გავრცელებული მოვლენაა მამაკაცებს შორის. ამიტომ აუცილებელია მათი პრობლემები არ დარჩეს ყურადღების მიღმა, რადგან ამან შეიძლება მათი ნერვიული სტრესი და აშლილობა გამოიწვიოს.

სიტუაციის ნორმალიზაციის მიზნით აუცილებელია, თუ მამაკაცები უზრუნველყოფილი იქნებიან რაც შეიძლება მეტი ზუსტი და სასარგებლო ინფორმაციით. ეს აუცილებელია იმის გამო, რომ მამაკაცთა უმრავლესობამ ან არაფერი იცის საკუთარი სასქესო ორგანოს შესახებ, ან დეზინფორმირებულია.